Gharkul Yojana Anudan List : शेतकरी मित्रांनो, जर तुम्ही घरकुल योजनेसाठी अर्ज केला असेल आणि तुमच्या घराला मंजुरी मिळाली असेल, तर तुमच्यासाठी एक आनंदाची बातमी आहे. ग्रामीण भागातील घरकुल योजनांसाठी पैसे वितरीत करण्यासाठी राज्य सरकारने तीन महत्त्वाचे शासकीय निर्णय (GR) जारी केले आहेत. त्यामुळे, आता घरकुल योजनेचा पहिला आणि दुसरा हप्ता लवकरच लाभार्थ्यांच्या बँक खात्यात जमा होणार आहे.
केंद्र आणि राज्य सरकारकडून निधी मंजूर
केंद्र सरकारने आर्थिक वर्ष २०२५-२६ साठी प्रधानमंत्री आवास योजना ग्रामीणसाठी निधी मंजूर केला आहे. हा निधी सर्वसाधारण लाभार्थ्यांसाठी, तसेच अनुसूचित जाती आणि अनुसूचित जमातीच्या लाभार्थ्यांसाठी स्वतंत्रपणे मंजूर करण्यात आला आहे. यामुळे, आता या तिन्ही प्रवर्गातील पात्र लाभार्थ्यांना घरकुल बांधकामासाठी निधी मिळण्याचा मार्ग मोकळा झाला आहे.
हप्ता कधी मिळणार?
ज्या लाभार्थ्यांची नावे घरकुल यादीमध्ये आली आहेत, अशा सर्वांना पहिला हप्ता लवकरच दिला जाणार आहे. त्याचबरोबर, ज्या लाभार्थ्यांना यापूर्वी पहिला हप्ता मिळालेला आहे, त्यांनाही दुसरा हप्ता लवकरच खात्यात जमा होणार आहे.
राज्य सरकार आणि केंद्र सरकारच्या माध्यमातून हे पैसे पाठवण्यात आले आहेत, त्यामुळे या निधीचे वितरण लवकरच सुरू होण्याची शक्यता आहे. ही माहिती तुमच्या इतर मित्र-मैत्रिणींपर्यंत आणि गरजूंपर्यंत नक्की शेअर करा, जेणेकरून त्यांनाही या अपडेटचा फायदा होईल.
