शेतकरी बांधवांसाठी एक अत्यंत आनंदाची आणि महत्त्वाची बातमी समोर आली आहे. केंद्र सरकारने ‘नॅशनल मिशन ऑन नॅचरल फार्मिंग’ (National Mission on Natural Farming) या नावाची एक नवीन योजना सुरू केली आहे, ज्या अंतर्गत शेतकऱ्यांना प्रति हेक्टर ₹२०,००० पर्यंतची आर्थिक मदत मिळणार आहे.
या योजनेचा मुख्य उद्देश शेतकऱ्यांना नैसर्गिक शेतीकडे वळण्यासाठी प्रोत्साहन देणे आणि त्यांची आर्थिक स्थिती अधिक मजबूत करणे हा आहे.
योजनेची उद्दिष्ट्ये आणि आर्थिक मदत
- प्रोत्साहन: रासायनिक खते आणि कीटकनाशकांचा वापर कमी करून नैसर्गिक शेतीला चालना देणे हे या योजनेचे प्रमुख उद्दिष्ट आहे. यासाठीच सरकार शेतकऱ्यांना हेक्टरी ₹१५,००० ते ₹२०,००० पर्यंतचे प्रोत्साहन देणार आहे.
- आर्थिक लाभ: जर तुमच्याकडे एक हेक्टर (अडीच एकर) जमीन असेल, तर तुम्हाला ₹२०,००० मिळतील. जर जमीन जास्त असेल तर त्यानुसार आर्थिक मदत वाढेल. उदाहरणार्थ, १० एकर जमिनीसाठी तुम्हाला सुमारे ₹८०,००० मिळू शकतात.
- निधी आणि व्याप्ती: या मिशनसाठी सरकारने ₹२,५०० कोटींचा निधी राखीव ठेवला आहे. सुरुवातीच्या टप्प्यात देशातील सुमारे १५ हजार गावांमध्ये ही योजना राबवली जाणार आहे, ज्यामुळे १ कोटींहून अधिक शेतकऱ्यांना लाभ मिळेल.
नैसर्गिक शेतीला प्रोत्साहन मिळेल
या योजनेत सहभागी होणाऱ्या शेतकऱ्यांना त्यांच्या शेतीत कोणत्याही प्रकारची रासायनिक खते किंवा कीटकनाशके वापरायची नाहीत. नैसर्गिक शेतीला चालना देऊन मातीची सुपीकता टिकवणे आणि आरोग्यासाठी उत्तम अन्नधान्य उत्पादन करणे हे या मिशनचे उद्दिष्ट आहे.
या योजनेत सहभागी होणाऱ्या शेतकऱ्यांच्या बँक खात्यात पैसे थेट डीबीटी (DBT) द्वारे जमा केले जातील, त्यामुळे त्यांना कोणत्याही सरकारी कार्यालयात जाण्याची गरज नाही.
